|
|
LOTARÍA DE NADAL DE QUEIROA
Como cada ano chegando a estas datas do Nadal estamos repartímo-las participacións da nosa lotaría. Este ano tampouco houbo sorte, outro ano será. Bo Nadal!
|
|
|
CONVITE DE NADAL
O venres 20 de decembro fixemos a tradicional xuntanza de Nadal nas aulas do colexio de Mondego. Alí tomando un viño e uns petiscos tocamos e bailamos para celebra-lo bo ano que pasou a nosa asociación. Agora toca uns días de descanso para comeza-lo ano novo con novos folgos.
Feliz 2020 a todos/as.
|
|
|
ACTUACIÓN NO COMPLEXO XERONTOLÓXICO LA MILAGROSA
Os grupos Cacharrete e Trasín, acompañados por integrantes do grupo de gaita e percusión, non faltaron o 10 de decembro á invitación do centro de atención ás persoas maiores La Milagrosa en A Coruña.
Como cada ano que imos, tivemos unha marabillosa acollida e os residentes gozaron moito cos nosos artistas. Volveremos!
|
|
|
|
RUADA EN MAZARICOS
O sábado 23 de novembro o grupo de gaita botou unhas peciñas no Suleiro da Vicha, na parroquia de Colúns do concello de Mazaricos. Moi bo ambiente e canta elegancia!
Un pracer asistir á foliada organizada pola Asociación de Amas de Casa de Mazaricos.
De hoxe nun ano! |
XII FOLIADA DE SADA
O día dous de novembro celebrámo-la nosa XII Foliada de Sada.
Desta volta emprazada na lonxa do Porto de Sada grazas á colaboración da Confraría de Pescadores de Sada e o Concello de Sada.
Vaia por diante a nosa gratitude ós grupos que actuaron nela e ó público que nos acompañou ata remata-la festa. Sen o seu apoio non poderíamos realizala.
O noso agradecemento tamén ós participantes do Concurso de Baile, parabéns á parella ganadora “Bicos de Queixo” formado por Laura Fernández e Francisco Manteiga.
Para o ano que vén a número trece!
|
|
|
|
MAGOSTO NO CENTRO DE DÍA DE MONDEGO
O xoves 31 de outubro o Grupo de Acordeón visitou o Centro de Día de Mondego.
Desta volta poñémoslle música á celebración do seu magosto, pero agrádanos moito achegarnos alí en calquera ocasión polo bo recibimento que temos por parte dos residentes.
|
|
|
IX RUADA DE TEIXEIRO
Este sábado 26 de outubro fomos tocas unas pezas e botar uns bailes na foliada de Teixeiro (Curtis).
Agardámosvos a todos e todas na nosa XII Foliada do fin de semana que ben.
Festa! |
|
|
SARDIÑADA DAS FESTAS DE SADA
Na edición número sesenta da sardiñada das festas de Sada, volvemos a poñe-la música e o baile tradicional ó numeroso público que asistiu a esta Festa de Interese Turístico de Galicia.
Foi un pracer estar neste aniversario da nosa sardiñada.
|
ALBORADA DAS FESTAS DE SADA
O 18 de agosto percorremos as rúas do noso concello espertando ós nosos veciños coa alborada das festas patronais.
Boas festas! |
|
|
SAN FINS DO CASTRO 2019
O venres 2 de agosto abrimo-lo segundo día de festa cunha alborada na popular festa de San Fins do Castro, na parroquia de Cesullas (Cabana de Bergantiños).
Esta actuación pertence á programación da Rede Cultural da Deputación da Coruña.
A nosa Banda de Gaitas achegou a música tradicional á romaría da Costa da Morte.
Volveremos a esta fermosa festa!
|
FEIRA MODERNISTA DE SADA
O 26 de xullo o programa da Televisión de Galicia “Adiviña quen vén esta tarde” emitiuse en directo dende Sada por mor da celebración da Feira Modernista no noso concello.
O grupo de gaita e percusión, acompañados dunha parella de bailadores do grupo de baile, puxeron a música e o baile tradicional a esta linda festa.
|
|
|
COLABORACIÓN CO GRUPO XEBRE DE VIOLÍN EN MOAÑA
O sábado 20 de xullo o grupo de violíns Xebre con compoñentes de Queiroa e a Asociación Oza - A Gaiteira actuaron en Moaña.
Dirixidos polo noso monitor Tonecho Castelos, estes concertos buscan recupera-lo violín dentro da música tradicional galega. O violín foi bastante empregado no século XIX e comezos do XX.
|
FESTA DOS VELLOS EN CARNOEDO
O vinte de xullo, na trixésimo novena Festa dos Vellos da Asociación de veciños “Armental” de Carnoedo, estivemos alí para abri-la Gran Sardiñada tocando unas pezas ó numeroso público que asistiu ó acto.
Fermoso feito onde se homenaxea ós maiores da parroquia sadense. |
|
|
FESTIVAL INTERNACIONAL DO MUNDO CELTA DE ORTIGUEIRA
O noso grupo de gaitas tivo a honra de participar neste prestixioso festival, no desfile de Bandas das Nacións Celtas o domingo 14 de xullo polas rúas de Ortigueira.
Pola tarde, estivemos no programa da CRTVG “Lume na Palleira” onde nos entrevistaron e tocámoslles unhas pezas.
Grazas por contar con nós!
|
ENCONTRO DE MÚSICA E BAILE TRADICIONAL EN AMES
O sábado 13 de xullo participamos no Encontro de Música e Baile Tradicional Galego organizado pola A. C. Retranqueiros no Centro Cultural Milladoiro de Ames. Contamos tamén coa compaña de Rexoubeiras de Vigo.
A nosa actuación no festival pertence á programación da Rede Cultural da Deputación da Coruña.
|
|
QUEIROA NA RÚA 2019
O sábado 6 de xullo, dende media mañá, o folclore de toda a nosa asociación encheu as rúas do concello sadense.
Pero a cousa non quedou así, xa que pola tarde, celebramos un estupendo Festival Folclórico xunto a Asociación Cultural Retranqueiros de Ames.
A participación do grupo invitado está incluida na programación da Rede Cultural da Deputación da Coruña
E como remate desta terceira edición de Queiroa na Rúa, un dos grandes da música tradicional galega: Xabier Díaz e as Adufeiras de Salitre.
Un espectáculo marabilloso!
|
|
SERÁN DA A.C. SON D'AQUÍ
O noso grupo de pandeireteiras Arnela participou no serán da A.C. Son d'aquí na coruñesa Praza dos Avós de Monte Alto.
Unha festa xenial para cantar e bailar, con agasallos e moita rexouba.
|
ACTUACIÓN NO LUAR
Fermosas e vistosas foron as dúas pezas do noso grupo de baile o venres 28 de xuño no programa Luar da Tvg.
Moi agradecidos pola invitación e por volver ó escenario dese marabilloso programa. |
|
|
SAN XOÁN EN SADA 2019
Como xa é tradicional en Sada, o 23 de xuño celébrase o San Xoán na zona do Curruncho. Este ano tamén estivemos invitados a animala celebración coa nosa música tradicional.
Xuntos armamos una boa festa cos nosos veciños e veciñas. |
ACTUACIÓN DO GRUPO DE ACORDEÓN EN MONDEGO
Volvemos visita-lo Centro de Día de Mondego o xoves 13 de xuño, desta vez cos nosos acordeonistas, para así facerlles máis amena a tarde ós residentes que alí agardaban por nós.
|
|
|
FESTIVAL INFANTIL EN LESTEDO
Compartimos festival en Boqueixón este domingo 9 de xuño coa asociación local "Mestre Manuel Gacio" e dúas agrupacións que chegaron dende Santiago.
Os rapaces e rapazas da Escoliña fixeron unha estupenda actuación e pasárono do mellor.
|
|
|
FOLIADA EN BORNEIRO
Actuamos o sábado 8 de xuño no campo de Briño de Borneiro na foliada “O Son do Castro” con grupos como: Os Farrapos, Petaforte, Eloy Mato e Ismael del Río, Rebouxa, Santiaguiños etc.
Unha festaza nun sitio espectacular!
|
V FESTIVAL DA ESCOLIÑA
Celebramos o quinto Festival da Escoliña o domingo 2 de xuño coa estupenda participación da A. C. Mestre Manuel Gacio de Lestedo (Boqueixón).
Os rapaces e rapazas coas súas brillantes actuacións, deixaron moi satisfeitos ó numeroso público asistente.
Dende o remate do festival, seguimos traballando para celebra-lo sexto festivaliño.
|
|
|
CENTRO DE DÍA DE MONDEGO
O martes 28 de maio, o grupo de pandeireta de adultos fixemos unha visita ó Centro de Día de Mondego (Sada).
Alí tocámoslles unhas pezas antes da súa merenda.
|
|
|
VII FESTA AMANEXA
O sábado 25 de maio aceptamos de bo grado a invitación dos nosos veciños da A.C. O Amanexo.
Estivemos con grupos de pandeireteiras e o grupo de gaita e percusión na foliada da VII Festa Amanexa en Dexo (Oleiros). |
|
|
XXX CONCURSO DE MÚSICA TRADICIONAL XACARANDAINA
Un ano máis, a Asociación Cultural Xacarandaina organiza o seu Concurso de Música Tradicional no Centro Cultural Ágora. Este ano participamos con tres grupos Trasín, Alborelle e Morazón.
Cabe destacar do concurso a gran calidade dos participantes, e tamén, o terceiro premio do noso mestre de gaita Ismael García na categoría de gaiteiro solista.
Parabéns mestre! |
DÍA DA TROULA 2019
O sábado 18 de xuño, tivemos unha foliada en Sada co gallo do “Día da Troula”.
Participamos co grupo de gaita e percusión da asociación. |
|
CONCERTO DIDÁCTICO EN MOSTEIRÓN
O xoves 16 de maio celebramos no C.E.I.P. e no I.E.S. O Mosteirón de Sada un Concerto Didáctico para amosa-la nosa tradición musical ós alumnos e alumnas do centro.
|
|
|
XX CONCURSO DE MÚSICA TRADICIONAL DA A.X. XIRADELA
O 14 de Abril celebrouse o XX Concurso de Música Tradicional da A.X. Xiradela no auditorio do Centro Cívico de Arteixo. Participaron os grupos de Trasín e Alborelle, este último volveu a acadar outro merecido premio, desta volta un segundo posto na categoría A de pandeireteiras.
Parabéns artistas!
|
II FOLIADA DE DONAIRE
No Parque de Eirís de A Coruña, o sábado 6 de abril, as rapazas dos grupos Trasín e Alborelle participaron na II Foliada con Donaire. Bravo pequenas! |
|
|
CONCERTO DE VIOLÍN
No local de Cántigas da Terra, o 31 de marzo, participaron compoñentes do noso grupo de violín en colaboración co grupo Xebre nun concerto de violín tradicional.
|
CONCERTO DE MÚSICA TRADICIONAL
A nosa banda de gaitas encabezou este concerto o sábado 30 de marzo no Centro Social Sagrada Familia de A Coruña.
Tamén actuaron a A.C. O Son do Castro e o grupo de música tradicional A Rexouba. |
|
|
FESTA DE ENTROIDO DE
"OS SOBRAOS”
O sábado 16 de marzo no pavillón da antiga E.E.I. de Carnoedo os compañeiros de “Os Sobraos” invitáronos a tocar unhas pezas para tódolos asistentes da festa.
|
COCIDO DE QUEIROA
O día 9 de marzo no Restaurante “A Xeitosiña” celebramos o noso cocido de Entroido con amigos e familiares. Volvemos a vernos para o ano que vén! |
|
|
XXXIV FESTA DA FILLOA DE SADA
O martes 5 de marzo, na Festa da Filloa de Sada, botámoslle unhas pezas na carpa ó carón do edificio de “A Terraza” mentres a “filloeira de Lestedo” traballaba arreo.
|
|
|
RIBEIRAS DE SALITRE
Na tardiña do 26 de febreiro as cantareiras de Arnela participaron na gravación do programa “Ribeiras de Salitre” que se emite os domingos na TVG.
|
I CAMPAMENTO DE VIOLÍNS DE QUEIROA
O sábado 23 de febreiro o grupo de violín, composto por máis dunha ducia de rapaces e rapazas de idades comprendidas entre os seis e os doce anos, participaron nunha xuntanza para ensaiar e tocar todos xuntos.
Por suposto, non faltou un bo xantar e xogos para os tódolos asistentes.
|
|
|
|
|
© Copyright 2004 Asociación de Música e Danza Tradicional Queiroa - Todos los derechos reservados.
Prohibida la reproducción de cualquier parte de esta web sin autorización expresa de su propietario. |
|