Actividades 2024

A nosa asociación caracterízase tanto polas saídas que teñen os diferentes grupos como polas actividades de carácter asociativo ou cultural que organiza. Na seguinte páxina atoparás todas as actividades pasadas que fomos realizando ao longo do ano 2024.

17.-18.08.2024

Camiño ao Inverno

Moitas grazas ao Coro Galego de Santa Comba de Veigue por contar con nós para o evento do pasado sábado, unha experiencia moi fermosa

02.11.2024

XV Foliada de Sada

Por aquí vos deixamos un pequeno recordo do que foi a XVI foliada de Sada e mailo concurso de baile tradicional.
Grazas a tódolos grupos que nos acompañaron nesta xornada que foron mais de 200 músicos e músicas!

17.-18.08.2024

Festas de Sada

O venres a nosa banda de gaitas tocou coa Banda municipal de música de Sada no paseo marítimo.
O sábado pola mañá a nosa xente de percusión e gaita amenizou as rúas da vila coa nosa música, e tamén tocaron na procesión polas festas de Carnoedo.
E por último o domingo á mañá volvimos a saír ás rúas de Sada para despedir as nosas festas.

25.-28.07.2024

Festival Intercélticu d'Avilés

Este ano viaxamos ata Avilés ao FESTIVAL INTERCELTICU D'AVILES Y COMARCA no que puidemos compartir a nosa música e baile co resto da xente.
Moitas grazas a Esbardu por contar con nós.

13.07.2024

Queiroa na Rúa

Pola mañá amenizamos as rúas de Sada coa nosa música e baile coa colaboración do grupo Esbardu.
E pola tarde esta vez un pouco distinta a outros anos xa que non puido ser na rúa, que da nome a este festival, trasladámonos ao auditorio da Casa da Cultura Pintor Llorens. Aínda así, desfrutámolo da mesma forma coas amigas de Alxibeira (Narón) e Esbardu (Asturias).
E xa para finalizar a xornada o noso grupo folk Uceira deu un concerto para poñer o broche de ouro ao festival.

29.06.2024

XXXI Festival Folclórico Infantil

As nosas nenas e nenos da escoliña foron de viaxe hasta San Miguel de Reinante para acompañar a escoliña de A.f. O Arco da Vella no seu XXXI Festival Folclórico Infantil, non sen antes facer unha pequena parada por Mondoñedo.

24. - 28.06.2024

Campamento de Verán

Tivemos o campamento de verán de Queiroa, xogamos, cantamos, bailamos, pero sobretodo pasámolo en grande.

23.06.2024

San Xoán en Sada

Estivemos amenizando o San Xoán na zona do Curruncho de Sada.
Pasámolo moi ben e esperamos que desfrutárades tanto coma nós.

22.06.2024

Foliada da Rexouba

Estivemos na I Foliada das amigas de Grupo de Música Tradicional A Rexouba.

11.06.2024

Actuación ANPA Quintan

Aquí tedes un pequeno recordo da actuación das nenas e nenos da actividade de baile tradicional da ANPA Quintan de Mondego o pasado martes 11, despois dun curso de moito esforzo e dedicación pola súa parte amosáronnos todo o que aprenderon.

25.05.2024

O noso FESTIVALIÑO

O Festivaliño da nosa escola, acompañadas polas pequenas da A.C. Nemeth de Carballo.

08.06.2024

Foliada do Son do Castro

O noso grupo de gaitas e percusión foi tocar á foliada do Son do Castro. Grazas ás amigas de Borneiro por contar con nós, pasámolo en grande. Vémonos na próxima.

25.05.2024

Festa Amanexa

O sábado o noso grupo Alborelle e o grupo de gaitas e percusión, estiveron pola Festa Amanexa das nosas amigas de A. C. O Amanexo.

24.05.2024

Concerto de Acordeóns

Celebrando as letras galegas na Casa do Pobo de Meirás. Evento organizado pola Asociación de Veciños de Meirás.

19.05.2024

Xuntanza de violíns

E o domingo, no noso festival de violín tradicional Galego, reuníronse artistas de Queiroa, Xebre e Escolas da Terra . Facéndonos desfrutar da música a todas as alí presentes.

18.05.2024

Concerto Letras Galegas

Celebramos as letras galegas desfrutando do concerto organizado pola Banda municipal de música de Sada na que colaboraron as nosas gaitas e percusión.

16.05.2024

Concerto didáctico

Hoxe estivemos de concerto didáctico no CEIP Novo Mesoiro, compartindo coas nenas e nenos do cole un pouco da nosa tradición. Pasamos unha moi boa mañá! Moitas grazas por contar con nós!

27.04.2024

Festa da Primavera
Anpa Quintan

Tocamos na festa da Primavera da Anpa Quintan.

26.04.2024

Actuación na TVG (LUAR)

Bailamos e tocamos un par de pezas no Luar da TVG.

24.03.2024

Festival de Acordeón

Que marabillosa tarde entre acordeóns!
Queremos agradecer ao grupo Xebre e ao grupo A Amigosdoacordeonde A Coruña por acompañarnos, foi unha grande primeira experiencia que de seguro repetiremos! Enchimos o auditorio!

24.02.2024

Cocido de entroido

Aquí tedes unha escolma do noso tradicional cocido.
Que ben o pasamos!!!

02.02.2024

Foliada en Oleiros

Que boa tarde-noite!
Andivemos botando unhas pezas co grupo de gaita e percusión e as nosas mozas de Alborelle.
Grazas Folliñas Oleiros pola organización e o convite! Que sexa a primeira de moitas, e que as compartamos!