|
|
|
|
|
|
CONCERTO DO DÍA DAS LETRAS GALEGAS
O domingo 17 de maio no Concerto do Día das Letras Galegas que se celebrou no auditorio da Casa da Cultura de Sada, actuamos o grupo de gaita de Queiroa.
Para rematar o Concerto colaboramos tocando o himno galego coa Banda Municipal de Música de Sada.
|
|
XXVI CONCURSO DE MÚSICA TRADICIONAL XACARANDAINA
O domingo 24 de maio no Centro Sociocultural Ágora de A Coruña, os Grupos "Cirro" e "Morazón" da Asociación de Música e Danza Tradicional Queiroa participaron no XXVI Concurso de Música Tradicional Xacarandaina.
O Grupo "Cirro" acadou un merecido 3º premio na categoría B de pandeireteiras.
Parabéns!
|
Grupo "Cirro" |
|
Grupo "Morazón" |
 |
 |
I FESTIVAL DA ESCOLIÑA
O domingo 31 de maio, a Asociación de Música e Danza Tradicional Queiroa organizou en colaboración co Concello e a Casa da Cultura de Sada, o I Festival da Escoliña.
Nel participaron nenos e nenas das escolas tradicionais infantís de Donaire e Queiroa, dúas asociacións novas pero cun gran percorrido musical ás súas costas.
Os rapaces destas dúas asociacións amosaron os seus respectivos repertorios de canto, pandeireta, baile, gaita e percusión neste intercambio cultural promovido pola Deputación da Coruña no marco da Rede Cultural do 2015.
|
SAN XOÁN DE QUEIROA
O pasado sábado día 20 de xuño Queiroa celebrou o San Xoán no Bosque dos Ameneiros de Vertín (Mondego - Sada), a partir das 21:00 horas.
A cea contou con sardiñas, liscos, patacas, pan de brona, bebidas e doce.
|
|
|
NOITE DE SAN XOÁN DO CONCELLO DE SADA
O martes 23 de xuño a partir das 19:30 horas no Curruncho (Praia das Delicias de Sada), o noso grupo de gaita Queiroa tocou varias pezas estando aberto aos/ás pandeireteiros/as e bailaríns que quixeron participar.
Ás 20:00 horas celebrouse no Curruncho a tradicional Noite de San Xoán, onde se degustou sardiñas, viño e pan de broa.
|
GALA QUEIROA 2015
O sábado 4 de xullo ás 21:00 horas celebrouse a Gala Queiroa "De festa en festa" no ateigado auditorio "Pintor Lloréns" de Sada.
Ó remate do acto convidouse ós asistentes a uns pinchos no lugar de Vertín (Mondego). |
|
|
XXXV FESTA DOS VELLOS
O sábado 8 de agosto a partir das 19:30 horas a Asociación Armental de Carnoedo (Sada) celebrou a XXXV FESTA DOS VELLOS.
A festa estivo amenizada pola Agrupación Queiroa.
|
SARDIÑADA POPULAR EN SADA
O martes 18 de agosto a partir das 18:00 horas no Curruncho de Sada, gran sardiñada popular con motivo das nosas Festas Patronais.
Contou coa animación musical da Agrupación Queiroa. |
|
|
III FOLIADA SANTAIA
O sábado 29 de agosto a partir das 18:00 horas na praza Esther Pita, en Santa Cruz (Oleiros) celebrouse a terceira foliada Santaia.
Polo escenario pasou o noso grupo de gaita Queiroa e grupos de toda a comarca para participar neste gran evento.
|
FOLIADA CATALMIBRE
O sábado 19 de setembro a partir das 20:00 horas no paseo de O Burgo (Culleredo), o noso grupo de gaita participou para festexar a foliada da asociación Catalmibre.
|
|
ACTIVIDADES 2015 - 2016
Comezamos este curso 2015-2016 a partir de outubro coas actividades que podedes ver no cartel inferior, animádevos a participar.
Esperámosvos!
|
|
|
CERVEFEIRA ARTESÁ
Os días 16,17 e 18 de outubro na carpa situada detrás da Terraza de Sada, tivo lugar a feira da cervexa artesá.
Durante a Cervefeira a agrupación musical Queiroa animou os actos en varias ocasións.
|
VIII FOLIADA DE SADA
O sábado 31 de outubro celebramos a VIII Foliada de Sada, onde actuaron numerosos grupos da comarca e asistimos o VI Concurso Queiroa de Baile Tradicional por Parellas.
Queremos dar as grazas a toda a xente que participou na organización e preparación do evento.
Tamén ós que actuaron, asistiron a festa bailando, escoitando a música ou gozando da comida e bebida que acompaña a celebración da nosa foliada.
Sen o apoio de todas estas persoas non sería posible levala a cabo.
|
|
LOTERÍA DE NADAL
Imos chegando ó fin do ano e Queiroa xa ten a LOTERÍA DE NADAL.
Se aínda non tedes a vosa participación non dubidedes en facervos con ela.
Algún ano ten que tocar! Que haxa sorte este ano!
Felices festas e bo Nadal!
|
|
|
| |
|
|
|
|
© Copyright 2004 Asociación de Música e Danza Tradicional Queiroa - Todos los derechos reservados.
Prohibida la reproducción de cualquier parte de esta web sin autorización expresa de su propietario. |
|
